Datorren asteazkenean, otsailaren 25ean, 19:00etan, Bilboko Bizkaia Aretoan, "Memoriaren ahotsak" mahai-ingurua egingo da, ETAren terrorismoak gizartean duen eraginari buruzko elkarrizketarako eta hausnarketarako gunea.
Irekiera ekitaldia Eider Gardiazabal Ramón Rubial fundazioko presidenteak egingo du, eta Lourdes Pérez COLPISAko zuzendariorde eta "Déjame que te cuente" liburuaren egileak moderatuko du. Horrez gain, Eva Domaika, Cadena SER Vitoria kateko albistegietako burua eta "La Ventana de la Memoria" -ko arduraduna; Alicia Hernández, PSE-EEko zinegotzia Zornotzan eta ETAren biktima; Pedro Luis Arias, irakaslea Euskal Herriko Unibertsitatean eta Bakearen Aldeko Koordinakundeko bozeramailea 1995-2002 aldian; eta Gorka Landaburu, kazetaria eta ETAren biktima, izango dira hizlari.
Mahai-inguruaren helburua memoria historikoari, hezkuntzari eta balio demokratikoei buruzko hausnarketa sustatzea da, baita terrorismoak gizartean eta komunikabideetan duen eragina aztertzea ere.
Gudari eta milizianoei omenaldia
Ramón Rubial/Ramón Rubial Fundazioak Demokrazia eta Askatasuna defendatu zuten borrokalarien omenezko ekitaldian parte hartuko du. Ekitaldia ekainaren 21ean izango da, igandea, 12:00etan, "ATERPE 36" monumentuan, Artxandan.
Omenaldi honek gizon-emakumeen, errepublikarren, sozialisten, nazionalisten, anarkisten eta komunisten lana goraipatu nahi du, besteak beste, diktadura frankistarekin amaitzeko borrokatu baitzuten, erresistentzia heroikoa eginez, kartzelara, erbestera eta are heriotzara eraman zituena.
PRENTSA OHARRA 19. RAMON RUBIAL SARIEN EDIZIOA
Ramón Rubial/Ramón Rubial Fundazioaren Patronatuak, "Ramón Rubial Sarien" XIX. edizioko Epaimahai gisa eratuak, honako sari hauek ematea erabaki du aho batez:
Elkartasunari eta Lankidetzari Ramón Rubial saria
Epaimahaiak LARRIALDIETARAKO UNITATE MILITARRA (UME) jo du sari honen merezimendutzat, zerbitzu publikorako bokazio iraunkorragatik. Suteetan, uholdeetan, hondamendi naturaletan eta osasun-krisietan esku hartzea funtsezkoa izan da herritarrak babesteko. Epaimahaiak bereziki nabarmendu du berehala erantzuteko gaitasuna, profesionaltasuna eta laguntza hu
